Туулын хурдны зам төсөл Улаанбаатарын түгжрэлийг бууруулах оновчтой шийдэл болно

Улаанбаатар хотын авто замын ачаалал жил ирэх тусам нэмэгдэж, иргэдийн цаг хугацаа, эдийн засагт ихээхэн хүндрэл учруулж буй энэ үед замын хөдөлгөөний удирдлагын олон улсын туршлагад тулгуурласан томоохон дэд бүтцийн төслүүдийн ач холбогдол улам бүр нэмэгдэж байна.Энэ хүрээнд хэрэгжүүлэхээр төлөвлөж буй Туулын хурдны зам төсөл нь нийслэлийн замын хөдөлгөөний ачааллыг бууруулах хамгийн оновчтой шийдлүүдийн нэг гэж үзэж байна. Уг төсөл хэрэгжсэнээр хотын төвөөр дайран өнгөрдөг тээврийн хэрэгслийн урсгалыг хуваарилж, замын хөдөлгөөний нэвтрүүлэх чадварыг нэмэгдүүлэх боломж бүрдэх юм. Мөн хотын нэг захаас нөгөө зах хүртэлх зорчих хугацаа мэдэгдэхүйц багасч, шатахууны зарцуулалт болон тээврийн зардал буурах эерэг үр нөлөөтэй. Үүнээс гадна агаарын бохирдол, автомашины сул зогсолтоос үүдэх хүлэмжийн хийн ялгаралтыг бууруулахад чухал хувь нэмэр оруулна гэж мэргэжилтнүүд онцолж байна. Олон улсын томоохон хотуудын туршлагаас харахад хурдны замын сүлжээг хөгжүүлснээр хотын дотоод замын ачаалал буурч, эдийн засгийн идэвхжил нэмэгдэн, иргэдийн амьдралын чанар дээшилдэг байна. Тиймээс Туулын хурдны зам төсөл нь зөвхөн замын түгжрэлийг бууруулаад зогсохгүй нийслэлийн хөгжлийг шинэ түвшинд гаргах стратегийн ач холбогдолтой бүтээн байгуулалт болох юм.